Sámegiella

112 – heahtenummir go lea heagga-, opmodat- dehe birasvárra

Heahtenummir 112 galgá gevtot fáhkka heahtediliin go lea heagga-, opmodat- dehe birasvárra. Heahtedilli lea go jođánit dárbbahat ambulánsa, gádjunbálvalusa, poliisa, girdi-, mearra-, duottargádjun, fákta báhpa dehe mirkodiehtojuohkima veahki. Buot min SOS-operáhtorat sárdnot eŋgelasgiela ja sáhttet ságastit eŋgelasgillii. Jus dulka dárbbahuvvo mii čatnat goalmmát olbmo ságasteapmái.

Don sáhtát riŋget heahtenummirii 112 birra jándora fásta dehe mobiilatelefovnnas gos de ain leat Ruoŧas. SOS-operáhtor vástida du telefovdnii ja jearada vai bastá addit dárbbašlaš veahki.

Moadde ovdamearkka jearaldagain:

  • Mii lea dáhpáhuvvan?
  • Gos dat lea dáhpáhuvvan?
  • Man telefovdnanummiris don riŋget

SOS- operáhtor jearada vai bastá gohččut rivttes veahkkeresurssaid rivttes báikái. Dan botta go veahkki lea boahtime SOS- operáhtor soaitá dárbbahit jearadit eanet válbmet ja dieđihit eanet dieđuid veahkkeresurssaide geat leat boahtime.

Jurddaš ahte don beare galggat riŋget 112 go leat heahtedilis mii gáibida fáhkka veahki. Du ságasteapmi sáhttá muđui maŋidit earáid dárbbašlaš veahki geat lea fáhkka veahkkedárbbus. Jus du ságasteapmi ii leat hohpolaš don sáhtát dan sajis riŋget Polisiii 114 14, buohccedikšunčuvgehussii 1177 dehe diehtojuohkinnummirii stuorit lihkohisvuođain dehe kriissain 113 13.

112  hupman- ja gullanváddubat

Dutnje gii leat bealjeheapme, hupman- dehe gullanváddot lea vejolašvuohta váldit aktavuođa 112 deakstatelefovnna dehe bálvalusa SMS112 bakte. Vaikko leat gaskaboddosaččat hupmanváddot, omd. čuohpadeami maŋŋel, sáhtát gaskaboddosaččat geavtit bálvalusa SMS112.

SMS112
Heahtedilis sáhtát don gii leat ovdaregistreren iežat mobiilatelefovnna bálvalussii SMS112 sáddet sms nummarii 112 dieđu dáhpáhusas. Vuosttas dieđáhusas don muitalat oanehaččat mii lea dáhpáhuvvan ja gos lea dáhpáhuvvan (gielda ja čujuhus). SOS-operáhtor boahtá de sms:a bakte dahkat dievasmahtti jearaldagaid vai oažžu nuogis dieđu vai sáhttá sáddet rivttes veahki rivttes báikái.

Bálvalus SMS112 lea rabas beare dutnje gii leat bealjeheapme, hupman- dehe gullanváddot ja don fertet leat registrerejuvvon SOS Alárpma ruovttosiiddu bakte. Maid lágádusat dego internáhtta, ovdaskuvllat, beaiveruovttut ja sullalaččat main leat bealjehis oahppit ja/dehe bargit sáhttet geavtit bálvalusa.

Dá gávnnat eanet diehtojuohkima: https://www.sosalarm.se/viktiga-telefonnummer/112/112-for-tal--ja-horselskadade/.

113 13 – diehtojuohkinnummir lihkohisvuođain ja kriissain

113 13 lea našuvnnalaš diehtojuohkinnummir. Don sáhtát riŋget diehtojuohkinnummirii 113 13 guođđin dehe oažžun dihte diehtojuohkima duođalaš lihkohisvuođain ja kriissain. 113 13 lea gieldda ja eará váikkuheddjiid doarjja dieđuid juohkimii álbmogii servodaga duođalaš lihkohisvuođain ja kriissain. Buot diehtojuohkin mii guđđojuvvo 113 13:ii lea dárkkistuvvon diehtu, dat mearkkaša ahte dat lea heivehuvvon omd. gildii gos dáhpáhus lea dáhpáhuvvan.  Olgoriikkas don riŋget +46 77 33 113 13.

114 14 – Poliisa ii- fáhkka dáhpáhusain

Riŋge 114 14 buot áššiin mat gusket dálá dehe easka dáhpáhuvvan rihkkoša ja dáhpáhusa. Dat lea rabas birra jándora, buot beivviid jagis. Dat gii vástida 114 14:s sárdnu ruoŧagiela dehe eŋgelasgiela.

1177 – buohccedikšunrávven telefovnna bakte

Riŋge 1177 jus don dehe soames oapmahaš lea skihppán ja dárbbaha ráđistit buohccedivššáriin dehe jus háliidat veahki deaivat riekta divššus. Don sáhtát ieš lohkat buozalmasain, dálkasiin ja dálkkodemiin www.1177.se.

1177 Dikšunráva lea olles Ruoŧa dearvvasvuođa ja divššu diehtojuohkima ja bálvalusaid čohkkenbáiki Dat leat Webbas ja telefovnnas ja lea rabas birra jándora.

Dehálaš dieđáhus álbmogii

Dehálaš dieđáhus álbmogii (VMA) lea váruhus álbmogii omd. gássanuoskkideamis, stuora buollimis dehe eará duođalaš lihkohisvuođas. Váruhus- ja diehtojuohkinsystema sáhttá maid gevtot válmmaštallanalárpmas ja girdialárpmas jus riikkas buollášii soahti.

Albmot sáhttá fuomášuhttit VMA:s máŋgga ládje

  • Váruhussignála bakte Dehálaš dieđáhus álbmogii (VMA) mii gullo čieža sekundda guhkkosaš signálain molsasemiin 14 sekundda boatkkain unnimus guokte minuhta.
  • Váruhus rádio ja tv bakte.
  • Váruhus hupmandieđáhusa bakte deaividan guovllu fásta telefovdnii.
  • Váruhus sms-dieđáhusa bakte mobiillaide mat leat čujuhusregistrerejuvvon deaividan guvlui.
  • Váruhus sms-dieđáhusa bakte mobiillaide mat leat guovllus.

Got galgá doaibmat VMA:as

Go gulat signála dehe válddát vuostá váruhusa telefovnna bakte galggat

  • Lohkat ja čuovvut rávvagiid dárkilit.
  • Mannat sisa.         
  • Giddet uvssaid, lásiid ja ventiillaid.
  • Guldal Ruoŧa Radio P4 eanet diehtojuohkimii.

SVT Deaksta-TV siiddus 100 almmuhuvvo go VMA-dilli lea ja čujuhuvvo eanet diehtojuohkimii Deaksta-TV siiddus 599 gos seamma dieđáhus mii lohko rádios almmuhuvvo čálalaččat.

Diehtojuohkimii VMA- bakte, ale riŋge heahtenummirii 112, riŋge dan sajis diehtojuohkinnummirii 113 13 dehe čuovo diehtojuohkima www.krisinfo.se.

Signála várra meaddel

Várra meaddel signalerejuvvo 30-40 sekundda guhkkosaš signálain.

Leatgo oahpahallame ruoŧagiela?

https://www.sosalarm.se/viktiga-telefonnummer/112/utbildningsmaterial/sfi-material/texter-pa-enkel-svenska/ don gávnnat materiála gos don sáhtát oahppat eanet heahtenummaris 112. Dáppe don oahpat mot heahtenummir 112 doaibmá ja goas don galggat riŋget diehtojuohkinnummarii 113 13, makkár veahki sáhttá oažžut buohccedikšunrávvaga 1177 ja  poliissa ii fáhkka nummaris 114 14.